პასუხები

გამარჯობათ. მყავს 7 წლის ბიჭი, რომელიც ძალიან აგრესიულია…ყვირის, ტირის და უმართავი ხდება ელემენტარულ წინააღმდეგობაზეც კი. ახლა ამას დაემატა სკოლა და მეცადინეობა, რაც ძალიან აღიზიანებს. ათვისებით კარგად ითვისებს. მეგობრებთანაც უჭირს ურთიერთობა. გავიარეთ ნევროლოგის კონსულტაცია. დაუნიშნეს შიდა ქალის წნევის წამლები, მაგრამ შედეგი არ არის. ამას ისიც ემატება, რომ ოჯახში არ გვაქვს მშვიდი გარემო. გთხოვთ მირჩიოთ როგორ მოვიქცე? ვის მივმართო?

ვფიქრობ, აუცილებელია ფსიქოლოგის კონსულტაცია.  თუ ჩვენთან გადაწყვეტთ, შეგიძლიათ, მობრძანდეთ  – ვაჟა ფშაველას 46 ბ  ან დამირეკოთ,   საკონტაქტო ნომრები დევს საიტზე.

როდესაც ადამიანი ფიქრობს თვის მოკვლაზე, როგორ უნდა მოიშოროს ეს ფიქრები?

ანანო, ასეთ დროს აუცილებელია ფსიქოლოგის დახმარება და თავად ადამიანის სურვილი  მოიშოროს მსგავსი ფიქრები.  თუ როგორ,   ეს უკვე იმ კონკრეტული ადამიანის სიტუაციასა  თუ პრობლემებზეა დამოკიდებული.

რატომ უყვართ ბავშვებს რეკლამების ყურება?

რეკლამის  მიზანია მიიპყროას ყურადღბა, ადამიანი მოაქციოს შთაბეჭდილებების ქვეშ. იყოს დამახსოვრებადი.   ამ მიზნების მისაღწევად კი  ხშირად იყენებენ  მკვეთრ კადრებს,  ხდება აუდიოვიზუალური  სპეცეფექტების სწრაფი ცვლა, რაც განსაკუთრებით  მოსწონთ ბავშვებს; მაგრამ  ხშირმა ყურებამ, იმავე მიზეზის გამო,  შეიძლება გამოიწვის  ცენტრალური ნერვული სისტემის აგზნებადობა, გაღიზიანებულობა, უძილობა.

ამასთანავე  რეკლამეისთვის დამახასიათებელია  ორიენტაცია მზა გადაწყვეტილებებზე,  რაც   უარყოფითად მოქმედებს ბავშვის ინტელექტუალურ გავნვითრებაზე.

რა არის ჩემი მომავალი?

ნანა, ჩვენ  არ ვიცით მომავლის შესახებ,  მაგრამ შეგვიძლია  ზრუნვა მასზე, რომ კარგი იყოს.  ზოგდად ადამიანების ცხოვრებას  თუ დააკვირდები ასეთი მიდგომა ამართლებს – ვინც ცდილობს კარგი მომავლი ჰქონდეს,  მეტწილად აქვს კიდევაც. ამდენად  თუ როგორი იქნება, რა იქნება  შენი მომავალი,  გარკვეულწილად შენზეა დამოკიდებული.

როგორ ხასიათზე უნდა იყო უმეტესად?

რა თქმა უნდა, ჯობია, უმეტესად კარგ ხასიათზე იყო, რაც დადებითზე ფიქრით, მიზნების ქონით, საინტერესო რამის  კეთებით, სიყვარულის განცდით  მიიღწევა; მაგრამ სულ კარგ ხასიათზე ვერ იქნები, ელემენტარუად ცხოვრება არ მოგცემს ამის საშუალებას.  ზოგჯერ ცუდ ხასიათზე ყოფნაც შეიძლება სასარგებლოც იყოს. ასეთ დროს ადამიანი მეტს ფიქრობს, ცდილობს შეცვალოს რამე, გამოსავალს ეძებს და ამგვარად  ვითარდება.

თაყვანისმცემლები თავს არ მანებებენ და რა ვქნა?

ე.ი. პოპულარული გოგო ხარ დარწმუნებული ვარ,  ეს მოგწონს, მაგრამ  ზოგჯერ შეიძლება მართლაც  დამღლელი  იყოს.   ვისი ყურადღებაც გაწუხებს,  უბრალოდ  შენ აღრ   მიაქციო ყურადღება  – ნაკლებად შეხედე, არ გაუღიმო, შენი ინიციატივით არ გამოელაპარაკო, თუ აქეთ გკითხავს ვინმე რამეს მოკლე, კონკრეტული და მხოლოდ აუცილებელი პასუხი გაეცი  ზრდილობის გამო. ზოგს,  ვისთანაც საჭიროდ ჩათვლი,  აუხსენი, უთხარი რომ აფასებ მის  ყურადღებას, მაგრამ რომ შენ  სხვა ინტერესები გაქვს.  

გამარჯობათ. მყავს 1 წლის ანანო. 7 თვის წინ გავცილდი ქმარს. მამა ბავშვს იშვიათად ნახულობს.  ანანო განსაკუთრებულ ინტერესს გამოხატავს მამაკაცების მიმართ(უცხო კაცებთან მიდის და რამეთი თუ არ გავართე, ჩემთან აღარ ბრუნდება). ამით იმის თქმა მინდა,  რომ უკვე გრძნობს მამის დეფიციტს,  მიუხედავად იმისა,  რომ ბაბუასთან და ბიძასთან იზრდება. რითი შევუვსო ეს დეფიციტი,  შემდეგ რომ კომპლექსად არ ჩამოუყალიბდეს?

მთავარია, ბავშვს თქვენთან სიახლოვის დეფიციტი არ ჰქონდეს. გასაგებია, რომ მამა ენატრება, მაგრამ მის ასაკში ჯერ კიდევ დედას აქვს უდიდესი მნიშვნელობა. დედისგან უნდა მიიღოს ბავშვმა უსაფრთხოებისა და დაცულობის განცდა, რაც ემოციური განვითრებისთვის უპირველესი და უმნიშვნელოვანესია. ამდენად მთავრია, თქვენს შვილს თქვენი სითბო და სიახლოვე არ მოაკლდეს. ხშირად როცა ოჯახში პრობლემებია, განსაკუთრებით კი გაყრისას დედები საკუთარ უარყოფით განცდებში ეფლობიან, ისინი ძალაუნებურად ემოციურად დისტანცირდებინ ბავშვისგან, ,,ტოვებენ’’ მას  და ამდენად ბავშვი განიცდის არა მარტო მამის სიყვარულისა და სიახლოვის დეფიციტს,  მას დედასთან მიმართებაშიც უჩნდება მსგავსი ემოციები.

კარგია ბაბუასა და ბიძის არსებობა და სიახლოვე ბავშვისთვის, თუ, რა თქმა უნდა, ურთიერთობა სიყვარულითაა გაჯერებული. გარკვეულწილად აუცილებლად შეუვსებს ეს თქვენს შვილს მამის დეფიციტს.

გასაგებია, რომ მამა იშვიათად ნახულობს ბავშვს, მაგრამ იქნებ შეეცადოთ, მათი შეხვედრები იყოს სტაბილური დროში(ერთი და იმავე დროის ინტერვალის გამოშვებით შეხვდნენ).